ಕನಸಿನ ಗೆಳತಿ.........

ಮಿಂಚಂತೆ ಕಣ್ಣಂಚಲಿ ಬಂದೆ
ಕೊಂಚ ಹೊತ್ತು ಇರಲಾರೆಯ ಮುಂದೆ.....
ಮಿಲನವಾಯ್ತು ನಮ್ಮ
ಮನ ಆ ಕಾಮನಬಿಲ್ಲಂತೆ.......
ಹೂವಾಯಿತು ಈ ಹೃದಯ
ನಿನ್ನ ಚೆಲುವಂತೆ........
ಹಾಡಾಯಿತು ಈ ಕವನ
ನಿನ್ನ ಮುದ್ದು ನಗುವಂತೆ......
ಮರೆಯಾದೆ ನೀ
ಈ ಹಾಡು ಮುಗಿದಂತೆ.......
ಹಾರಿ ಹೋಯ್ತು
ನನ್ನ ಕನಸು ಬೆಳಗಾದಂತೆ............
                                  ಹೋಗಿ ಬಾ ಗೆಳತಿ.......

ನಿನಗೊಂದು ಕವನ

ನೀ ಬರುವ ದಾರಿಯಲ್ಲಿ ಹಸಿರಾಗಿ ನಾನು ಮಲಗಿ
ನೀನಿಡುವ ಹೆಜ್ಜೆಯ ಮೇಲೆ ಹೂವಾಗಿ ನಾ ಅರಳುವೆ....
ನಿನ್ನ ಚೆಲುವ ಆ ಕಂಗಳಲಿ ಬೆಳಕಾಗಿ ನಾನು ಚೆಲ್ಲಿ
ನೀ ನೋಡೋ ಕಣ ಕಣದಲ್ಲೂ ನಾ ಇರುವೆನು.......
ನೀ ಉಸಿರಾಡೊ ಆ ಗಾಳಿಯಲಿ ನನ್ನೆದೆಯ ಪ್ರೀತಿಯ ತಂಬಿ
ನಿನ್ನೊಡಲ ಅಣು ಅಣುವಲ್ಲೂ ನಾ ಹರಿದಾಡುವೆ......
ನೀ ಕಾಣೊ ಕನುಸಗಳೊಳಗೆ ನನ್ನ ಕಲ್ಪನೆಯ ಜೀವವ ತುಂಬಿ
ಪ್ರತಿ ಕನಸಿನ ಕ್ಷಣ ಕ್ಷಣದಲ್ಲೂ ನಿನ್ನ ಕಣ್ಣೆದುರೆ ಓಡೋಡಿ ಬರುವೆ ನಾ...........

ನೀನೊಮ್ಮೆ ಮೌನವಾದಾಗ:

 

ನಿನ್ನ ಒಂದು ಮೃದು ಮಾತು ಸಾಕು..........  

ಒಂದು ಸಣ್ಣನೆಯ ನಗು ಸಾಕು...............

ಒಂದು ಸಿಹಿ ನೋಟ ಸಾಕು..................

ಇದೇನು ಸಿಗದ ಹೊತ್ತು ಇದು ಎಂದು ತಿಳಿದಾಗಿದೆ ಗೆಳತಿ

ಆದರೂ ನಾ ಮೌನವಾಗಿರಲಾರೆ ಮಾತಾಡದೆಯೂ ಇರಲಾರದಾಗಿದೆ ಈ ಮನಸು......

ನೀನು ಕರೆಯೊ ಚಿನ್ನು ಅನ್ನೊ ಹೆಸರಲ್ಲಿ  ಒಲವ ತುಂಬದೇ ಹೋದರೂ ಪರ್ವಾಗಿಲ್ಲ 

ಈ ಹೊತ್ತು ಸುಮ್ಮನಾದರೂ ಒಂದೊಮ್ಮೆ ಕರೆದರೂ ಸಾಕು ಕಣೆ......

ನಿಟ್ಟುಸಿರ ಬಿಟ್ಟು  ಮಲಗುವೆ..........................